Antoinette sê
Ons neem swaar afskeid van Lynnboerin en vat die pad na Anet Pienaar-Vosloo, ons volgende gaskok.
Ons ry deur pragtige landskappe en ek verstaan hoekom so baie Suid- Afrikaners Frankryk hulle tuiste maak. Van die landskappe herhinner aan die Kaap, party aan Natal en selfs Mpumalanga en die Weskus is hier en daar te siene. Frankryk is ‘n ongelooflik mooi land en nêrens sien jy rommel rondlê nie. Alles is skoon en netjies en ek wonder hoe die land met 15 miljoen meer mense as Suid Afrika dit regkry! Die Franse is vriendelik en behulpsaam, en al kan hulle nie altyd Engels verstaan of praat nie, kom ons oral reg.
Anet se vakansiehuis is in Boussac, ‘n klein dorpie in die Auvergne. La Maison des Roses of Huis van Rose, is ‘n pragtige gerestoreerde huis met die mooiste roostuin. Ons slaap onder properse linne en bad met heerlike badseep en ek voel soos ‘n prinses.
Kunstenaar Louis Jansen van Vuuren en begaafde kok Hardy Olivier is Anet se bure en nooi ons vir aandete. Ons word heerlik bederf met warm pasteie en koue wyn en lekker geselskap.
Vroeg Vrydag-oggend begin ons kook aan Anet se spyskaart – Koek en Champagne. Roos en vrugte mousse, versierde madeleintjies, vrugte en bessie tert, en my gunsteling, macaroons. Louis dek ‘n guitige tafel en ons hou teeparty!
Na die verfilming maak Louis vir ons lekker lamsboud uit Feestelike Frankryk, die pragtige kookboek wat Anet, Louis en Hardy geskryf het. Anet bring maskers uit en ons moee lywe kry lewe!! Ons hou partytjie tot laataand en speel Koning Lodewyk, Marie Antoinette en Napoleon!!
Dankie Anet, Louis en Hardy vir ‘n onvergeetlike kuier. Julle weet van!!
 |
| Pragtige Franse landskap |
 |
| Ons skiet in Boussac |
 |
| Boussac se kasteel |
 |
| Anet se pragtige roostuin. |
 |
| Anet en Marita verken Boussac. |
 |
Marike & Anet bewonder
die heerlike gebak. |
 |
| Vrugte & bessietert & versierde Madeleitjies |
 |
| Anet se rosige tuinstewels. |
 |
| Pragtige teetafel. |
 |
| Pragtige gedekte tafel en lieflike gasvrou! |
 |
Louis & Anet of is dit Lodewyk
en Marie Antoinette |
 |
Jacques en Dawie of is dit Koning
Henry en die Franse Ambassadeur |
 |
| Marike maak 'n pragtige Anne Boleyn |
 |
| Marita is 'n wulpse Marie Antoinette |
 |
Pragtige kookboek deur Anet, Louis and Hardy |
No comments:
Post a Comment